fredag 24. april 2015

Ope galleri i Eplehagen på Valen, laurdag kl 15 - 17

Det ser ut til å bli fint ver ute til å vera inne i, 
så eg inviterer til Galleri Nauthydlaren, lørdag 25.april. 
Høver det betre ei anna tid enn mellom klokka 15 og 17,
eller ein annan dag,
så send ei melding: 98060938, så er eg her når du kjem.
Velkomen innom blant pingvinar, somarfuglar og mykje anna.



tirsdag 21. april 2015

Livsglade pingvinar




Dei lever eit tøft liv, pingvinane, men tar vare på kvarandre, og tar fatt på livet med friskt mot.

Bilda er selde

lørdag 18. april 2015

Ein burde gjera som pingvinane: Skiftast på å ta støyten.

Pingvinane er kloke fuglar.
 Når det stormar som verst, flokkar dei seg og skiftar på å stå ytterst. 
Slik deler dei på vern og arbeid.



"Du såg vel at eg og er med på bildet?"

Stormbildet er det største eg til no har malt. Snart maler eg meg ut av atelieret mitt i kjellaren. Ein må vel kunne seia at ein maler med breid pensel når den største er 10 cm breid?


Bildet skal henga på det nye Rosendalstunet. Førebels heng det på rådhuset.

fredag 17. april 2015

Pingvin - klar til å ta fatt på livet!

Akryl på lerret, 30 x 30 x 3 cm, kr 600,- "Eg er klar til å ta fatt på livet, men det trur ikkje mor og far!"

onsdag 15. april 2015

Hat skal smelte...

Denne versjonen av "sommarfugl i vinterland" er inspirert av Ronald Fangen sine ord:

Så kommer dagen da alt hat skal smelte
som sne og is for sol og sommervær

Bildet er 50 X 100 X 3 cm , akryl på lerret, seld

Krabbelukke

Far fiska krabbe, kokte den i lukkeboden og mange fekk smaka.
Godt barndomsminne!

Bildet er 30X40 cm, akryl med sveveramme i sølv, seld

mandag 13. april 2015

Morgonstemning i Skudeneshavn


Eg var frista til å ta med mange detaljar i dette bildet. Men så kom eg til å hugsa kva malaren Johannes Hjelland sa: Fotoapparatet er oppfunne. Så då konsentrerte eg meg heller om stemninga: Ein morgon med utsikt frå Piren mot Vigeholmen, fritt formidla.

torsdag 9. april 2015

Skattar gøymde i mørkret


"Eg vil gje deg skattar dulde i mørkret, og rikdomar gøymde på løynlege stader.." (Jesaja 45.3)

Desse orda tenkte eg på då eg malte bildet. Kanskje du får heilt andre tankar?
Blomster i havet, seier nokon...


Bildet er akryl på lerret, 30X40 cm med sveveramme i sølv, kr 700,-